Banka Botërore në UEJL prezantoi Raportin e Rregullt Ekonomik për Evropën Juglindore

Prezantimi u mbajt para studentëve dhe stafit të Universitetit në Bibliotekën Universitare “Maks van der Shtul”.

Prezantimi bazohej në raportin më të ri të publikuar, duke i ofruar audiencës shpjegim për progresin ekonomik të mëhershëm dhe projeksionet ekonomike për të ardhmen të grupit të vendeve SEE6 ( Shqipëria, Bosnja dhe Hercegovina, Kosova, Maqedonia, mali i Zi dhe Serbia).

Universiteti i Evropës Juglindore dhe Zyra e bankës Botërore në Shkup kanë nënshkruar marrëveshje për bashkëpunim dypalësh, duke krijuar edhe Qendrën Publike Informative në UEJL. Kjo qendër u ofron studentëve dhe stafit tonë materiale hulumtuese dhe qasje në bazën e të dhënave të Bankës Botërore.

Ky është prezantimi i dytë publik i Bankës Botërore në UEJL dhe ne presim prezantime të tjera, të cilat pritet t’ju ofrojnë studentëve dhe stafit tonë më shumë mundësi për të marrë informacione nga burime të jashtme.