Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



U mbajt “Dita e Hapur” e UEJL-së për maturantët

Maturantë, prindër dhe profesorë sot (5 maj 2023), morën pjesë në manifestimin tradicional të promovimit të ofertës akademike “Dita e Hapur”, që u mbajt në Universitetin e Evropës Juglindore. Gjatë këtij aktiviteti, maturantët, të cilët ishin në numër masiv, patën mundësi, që në prezantimet e organizuara enkas nga gjashtë fakultetet e UEJL-së, të dëgjojnë drejtpërdrejtë për ofertën programore, që këtë vit është e zgjeruar edhe me programe të reja studimore, si: Politeknikë, Dizajn i Brendshëm, Shkenca e të Dhënave, Edukim dhe Psikologji.

Gjatë prezantimeve u shpjegua edhe metodologjia e dallueshme e Universitetit në mësimdhënie, ku përqendrimi është te digjitalizimi dhe mendimi kritik, në grupe të vogla, në punë individuale dhe studenti në qendër të vëmendjes.

Në kuadër të këtij manifestimi, u mbajtën një numër i madh aktivitetesh, si: aktivitete të Parlamentit Studentor, u promovua numri më i ri i revistës “Euroidea”, aktivitetet të Departamentit të Sportit, ku u luajt finalja mes ekipeve të shkollave të mesme dhe një program i pasur kulturor dhe zbavitës.

Universiteti i Evropës Juglindore në vitin e ri akademik ofron 29 programe studimore në ciklin e parë (Bachelor), 25 programe studimore në ciklin e dytë (Master) dhe 13 programe studimore në ciklin e tretë (PhD).



Më shumë lajme

Google+