SEE University përforcon pozitën e parë në kampionatin shtetëror në futsall

Ekipi i studentëve të UEJL në futsall, SEE University vazhdon me fitoret në kuadër të ligës së parë në nivel shtetëror. Në xhiron e katërt të kampionatit SEE-University si nikoqir ka fituar kundër ekipit Gemixhii 1903 nga Velesi me rezultat 4:2.  Sipas renditjes, ekipi i UEJL e ndan vendin e parë me ekipin Hedis, me pikë të njëjta (nga 10 pikë). Duhet theksuar se deri më tani ekipi i UEJL në futsall nuk ka pësuar asnjë disfatë. Në xhiron e ardhshme, ekipi SEE University në Gostivar, do të luaj kundër ekipit Pespa Zuli Gostivar,  i cili aktualisht është i pesti në tabelën e klasifikimit.