Rektori akademik Alajdin Abazi promovon UEJL-në në Japoni

Së pari, pritet që bashkëpunimi të jetë në sferën e ligjërimit, ku profesorë japonezë nga ky universitet të vijnë dhe të ligjërojnë në Fakultetin e SHTB-së dhe Universitetin e EJL-së. Në bisedimet paraprake me rastin e nënshkrimit të dokumentit, është diskutuar për zgjerimin e bashkëpunimit edhe në sfera të tjera, ndër të cilat edhe bashkëpunimi në projekte të përbashkëta hulumtuese. Kjo iniciativë është mjaft me rëndësi sepse mundëson shkëmbimin e eksperiencave me universitetet tjera prestigjioze botërore, ku studentët më së tepërmi do të përfitojnë.

Gjithashtu, rektori dhe prorektori i UEJL-së do të marrin pjesë me dy punime shkencore të recensuara në Konferencën Ndërkombëtare të Azisë për Mësim, e cila mbahet në Osaka, Japoni. Kjo konferencë është e organizuar nga forumi dhe Akademia e Shkencave dhe Arteve të Japonisë dhe e sponsorizuar nga shumë universitete dhe asociacione me famë botërore.

Po në këtë konference, si e arritura e tretë për UEJL-në, në Japoni, rektori i UEJL-se Akademik Alajdin Abazi është zgjedhur si udhëheqës i konferencës për sesionin: “Komunitetet, kultura dhe globalizimi”, që paraqet një njohje ndërkombëtare të eksperiencës dhe ekspertizës së UEJL-së në këtë fushë.