Dr. Farrington në Forumin Vjetor të AEHI në Lituani

Në këtë sesion u prezantuan tetë punime, që mbuluan zhvillimet në qeverisjen e arsimit të lartë në Kinë, Australi, Kanada, Holandë, Gjermani, Angli, Greqi dhe Finlandë. Diskutimet përfshinë mënyrat e rritjes së autonomisë në universitetet shtetërore nëpërmjet krijimit të kompanive universitare të ndara nga shteti, metodat e reja të planifikimit strategjik, duke përfshirë teknologjinë 'wicki', faktorët që ndikojnë në vendimet për pjesëmarrje në Programin për vlerësim institucional të Asociacionit të Universiteteve Evropiane (EUA-Institutional Evaluation Programme), riorientimin  strategjik të institucioneve të dobëta dhe ndikimin e politikës në universitete. Gjithsej, rreth  80 punime u prezantuan në këtë Forum. Rektori, akademik Alajdin Abazi dhe Dr. Farrington kanë prezantuar punimin e tyre në Forumin e 30-të të AEHI, në vitin 2008. Stafi i UEJL-së inkurajohet të dorëzojë punime në Forumin e 32-të, i cili do të mbahet në Valensia të Spanjës, në shtator të vitit 2010, për të ruajtur profilin e Universitetit, Republikës së Maqedonisë dhe të Fakultetit të tyre në nivelin evropian të hulumtimeve.