Prorektori Reka ligjëroi në Universitetin e Barit

Prorektori për Marrëdhënie Ndërkombëtare i Universitetit të Evropës Juglindore (UEJL), Prof. Dr. Blerim Reka nga 6 deri me 9 qershor 2016, në Universitetin Llum të Barit (Itali), ligjëroi në temën: “Konstitucionalizmi i EU-së”, në programin e doktoraturës të Fakultetit Juridik.

Gjatë qëndrimit atje, prorektori Reka realizoi takime me menaxhmentin e lartë të këtij universiteti dhe të disa universiteteve të tjera të Italisë, ku u bisedua për bashkëpunimin ndëruniversitar sidomos në fushën e hulumtimit shkencor dhe në programin ERASMUS.