Prof. inord. Dr. Vlladimir Radevski zgjidhet profesor ordinar

Komiteti i Bordit të Universitetit të Evropës Juglindore, sipas procedurës i pranoi rekomandimet e Senatit të Universitetit, që Prof. Inord. Dr. Vlladimir Radevski të zgjidhet në thirrjen mësimore shkencore profesor ordinar, në lëmin e Shkencave Kompjuterike.

Pas zgjedhjes, profesorit ordinar Vlladimir Radevskit, urimet për avancim dhe punë të mëtutjeshme akademike e shkencore ia përcollën kryetari i Bordit të UEJL-së, Prof. Dr. Denis Farington dhe rektori i UEJL-së, Prof. Dr. Zamir Dika.

“Çdo avancim i profesorëve tanë në thirrje mësimore shkencore na bën edhe më cilësor, edhe më konkurrues, edhe më të respektuar në sferën akademike dhe universitare këtu te ne, në rajon dhe ndërkombëtarisht”, tha me këtë rast rektori Dika.