Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Ferid Muradi i ftuar nderi në ceremoninë e diplomimit në UEJL

Universiteti i Evropës Juglindore në Tetovë më 11 qershor, organizon ceremoninë e diplomimit të gjeneratës së shtatë të absolventëve të këtij universiteti. Enkas i ftuar në këtë ceremoni dhe pjesëmarrës do të jetë nobelisti me prejardhje shqiptare Ferid Murad, i cili do të mbajë një fjalim rasti para absolventëve të UEJL-së.

Në të njëjtën ditë, pas përfundimit të ceremonisë nobelistit Ferid Murad, Komuna e Tetovës do t’ia ndajë çmimin “Qytetarë nderi i Tetovës”.

Në këtë ceremoni, do të marrin pjesë përfaqësues të korit diplomatik të akredituar në Shkup, kryetari i Komunës së Tetovës, kryetari i Komunës së Gostivarit, kryetari i Komunës së Dibrës dhe shumë të ftuar të tjerë.

Universiteti i Evropës Juglindore është i pari në Maqedoni dhe rajon, që organizon ceremoninë e diplomimit të studentëve të tij, sipas modelit amerikan dhe evropian.

Ngjarja ndiqet, po ashtu nga një numër i madh i prindërve dhe familjarëve të tjerë.

Google+