Programi i bursave meritore të UEJL-së (MBS)

UEJL përmes programit të bursave meritore [MBS] mundëson përkrahje financiare për studentët e rinj që do të regjistrohen në vitin akademik 2016/17 në ciklin e parë të studimeve - në studime të rregullta. 

Ky program ka për qëllim t’i përkrahë financiarisht studentët e ardhshëm që dëshirojnë të marrin dije profesionale dhe shkathtësi cilësore përmes vijimit të programeve studimore në UEJL.

Kriteret e akordimit të bursës meritore

Bursat meritore (MBS) do të akordohen në bazë të suksesit të arritur gjatë shkollimit të mesëm (nota mesatare gjatë katër viteve). 

• me notë mesatare 5.00, lartësia e bursës vjetore 50%
• me note mesatare 4.50 – deri 4.99, lartësia e bursës vjetore 30% 

Numri i bursave

Do të akordohen të gjithë kandidatët e pranuar në UEJL, sipas konkursit për regjistrim në vitin akademik 2016/17, që i plotësojnë kriteret e akordimit të bursës meritore.

Lartësia e bursës (vjetore) 

• Të drejtë aplikimi kanë nxënësit që kanë përfunduar shkollimin e mesëm katërvjeçar dhe që në 4 (katër) vitet e shkollimi të mesëm (viti I, II, III dhe IV) kanë treguar sukses të shkëlqyeshëm me notë mesatare 4.50 deri 5.00. 

Aplikimi

Të interesuarit duhet të dorëzojnë:

• aplikacion të plotësuar për bursë meritore
• kopje të deftesave për kryerjen e vitit të parë, dytë, tretë dhe katërt. 

Afati për aplikim

• Afati për aplikim prej 01.06.2016 deri më 31.08.2016

Vazhdimi i bursës

Bursat meritore janë vazhduese nga viti në vit dhe mbulojnë periudhë 3 (tre) vjeçare të studimeve deridiplomike. Kriteret për vazhdim të bursës pas vitit të parë dhe vitit të dytë janë në vijim:

• (i) 60 ECTS kredi të fituara në fund të çdo viti akademik.
• (ii) note mesatare minimum 8.50 për kategorinë e bursës B dhe notë mesatare minimum 9.00 për kategorinë e bursës A

Lartësia e bursës meritore (pas vitit të parë)

Vazhdimi i bursave (përtëritja) do të bëhet pas çdo viti akademik dhe varësisht nga nota mesatare e arritur, studentit do t’i akordohet bursa e kategorisë gjegjëse.

i Në programin studimor Information Systems and Management bursa vjetore në Grupin A është 1000 EUR, ndërsa në Grupi B është 600 EUR.
ii Në programin studimor Business Informatics bursa vjetore në Grupin A është 1000 EUR, ndërsa në Grupi B është 600 EUR.