Programi HESP (Higher Education Support Program)

Qëllimi i programit

Universiteti i Evropës Juglindore në bashkëpunim me Fondacionin Shoqëri e Hapur OSF (Open Society Foundation) përmes Programit për përkrahje të arsimit të lartë HESP (Higher Education Support Program, London) u ofron studentëve bursë që mbulon deri më 80% të pagesës së shkollimit. Në raste të veçanta mund të përfshijë edhe pjesë të akomodimit apo të transportit për studentë që vijnë jashtë rajonit të Tetovës.

Qëllimi i këtij programi është që t’u mundësojë studentëve përkrahje financiare, pa të cilën nuk do të kishin mundur të studiojnë në UEJL. Prandaj, në akordimin e ndihmës financiare të HESP-it do të merret parasysh gjendja sociale dhe ekonomike e studentit, por edhe suksesi i mëparshme në shkollimin e mesëm.

Numri dhe alokimi i bursave HESP

Përmes programit HESP, UEJL do të akordohen rreth 50 bursa. Bursat e HESP-it janë jepen për një periudhë 3 (tre) vjeçare. Kushtet e për vazhdim të bursës përcaktohen në Letrën e akordimit (Award Letter) në fillim të çdo viti akademik.

Të drejtë aplikimi në këtë fond bursash kanë kandidatët me shtetësi të Maqedonisë që në vitin akademik 2015/16 do të regjistrohen si studentë të rregullt në ciklin deridiplomik në njërin nga programet studimore që ofrohen në këto fakultete:

Fakulteti i Administrimit Publik dhe Shkencat Politike - rreth 25 bursa
Fakulteti i Gjuhëve, Kulturave dhe Komunikimit - rreth 25 bursa

Lartësia e bursës

Fondi i bursave HESP mundëson:

pagesë e pjesshme të shkollimit; - max.1.000 Euro
pagesë e pjesshme për akomodim apo transport; - max. 600 Euro

Lartësia e bursës varet nga gjendja sociale dhe ekonomike e studentit.

Për kualifikim në këtë program kandidati duhet të arrij të paktën 60 nga 100 pikë të mundshme nga suksesi i shkollimit të mesëm, ndërsa rangimi dhe përzgjedhja e bursistëve do të bëhet në bazë të nevojës për ndihmë financiare.

Gjatë përzgjedhjes së kandidatëve përparësi do të kenë studentët me nevoja të veçanta!

Mënyra e aplikimit dhe afati i aplikimit

Të interesuarit duhet të dorëzojnë:

aplikacion të plotësuar për bursë të HESP-it
dokumentacioni i nevojshëm (i shënuar në faqen e fundit të formularit për aplikim) për dëshmi të gjendjes sociale dhe ekonomike të studentit.

Aplikacionin për bursë të HESP-it mund ta shkarkoni liknun Formularë ose e merrni në UEJL, Zyra për Ndihma Financiare (Tetovë), ndërtesa 801.

Afati për aplikim

01.06.2015 - 11.09.2015

Dorëzimi i aplikacionit

Aplikacioni, së bashku me dokumentacionin përcjellës (shënuar në fq. 6 të aplikacionit) duhet të dorëzohet deri më 11 shtator 2015 në Zyrën për Ndihmë Financiare (në Tetovë), ndërtesa 801, ose të dërgohet me postë.

Nëse aplikacionin e dërgoni me postë, ju lutemi të keni kujdes që ai të arrijë në afatin e paraparë për aplikim. Postat e vonuara (pas datës 11.09.2015) nuk do të merren në konsideratë! Do të shqyrtohen vetëm aplikacionet e kompletuara!