Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

Kryeministri Sali Berisha priti në Tiranë rektorët e dy universiteteve shqiptare nga Maqedonia

Këto ditë, kryeministri i Republikës së Shqipërisë, Prof. Dr. Sali Berisha priti në Tiranë rektorin e Universitetit të Evropës Juglindore, Prof. Dr. Zamir Dikën dhe rektorin e Universitetit Shtetëror të Tetovës, Prof. Dr. Vullnet Ametin, si dhe kryetarin e Institutit për Demokraci dhe Zhvillim, Prof. Dr. Veton Latifin.



Këto ditë, kryeministri i Republikës së Shqipërisë, Prof. Dr. Sali Berisha priti në Tiranë rektorin e Universitetit të Evropës Juglindore, Prof. Dr. Zamir Dikën dhe rektorin e Universitetit Shtetëror të Tetovës, Prof. Dr. Vullnet Ametin, si dhe kryetarin e Institutit për Demokraci dhe Zhvillim, Prof. Dr. Veton Latifin.

Kryeministri Berisha i përgëzoi mysafirët nga Maqedonia për angazhimin e tyre në zhvillimin e arsimit sipëror shqip në Maqedoni. Ai, me këtë rast e kishte vlerësuar lart kontributin e bashkësisë akademike në të dy universitetet, në frymën e një arsimimi evropian.

Kryeministri shqiptar në vazhdim kishte paraqitur një ekspoze lidhur me zhvillimet dhe reformat në fushën e arsimit të lartë në Shqipëri, si dhe hapat drejt një progresi ekonomik dhe infrastrukturor që ka ndërmarrë qeveria shqiptare në këtë drejtim.

Delegacioni universitar nga Maqedonia në këtë takim e ka njoftuar kryeministrin Berisha përkitazi me zhvillimet e institucioneve që ata drejtojnë, duke shprehur pikëpamjet e tyre rreth trendeve aktuale të politikave arsimore në rajon dhe më gjerë. Ata, gjithashtu kishin shprehur edhe idenë rreth mundësisë dhe formave të ndryshme të thellimit të bashkëpunimit midis institucioneve të arsimit të lartë dhe bashkësive akademike të Shqipërisë dhe Maqedonisë.

Google+