Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Европски семинар за студии по докторатура во УЈИЕ

Во четврток и петок (06-07 октомври 2011 година) Факултетот за бизнис и економија на УЈИЕ имаше чест да биде домаќин на Европскиот семинар за студии по докторатура.



Семинарот ги собра на едно место студентите по докторатура и нивните ментори за да можат студентите да ги презентираат нивните трудови и менторите да ги дадат своите коментари и сугестии.

Оваа година, асистентите од Факултетот за бизнис и економија на УЈИЕ (Луан Ештрефи, Селма Куртиши и Шенај Хаџимустафа) ги претставија своите најнови откритија на нивните докторски дисертации и добија позитивни коментари и повратни информации од нивните ментори. На семинарот своите трудови ги презентираа и кандидатите од другите партнерски универзитети.

Европскиот семинар за студии по докторатура се организира како резултат на соработката помеѓу факултетите за бизнис економија од следниве универзитети: Универзитетот во Бамберг (Германија), Универзитетот во Сараево (Босна), Универзитетот за технологија и економија од Будимпешта (Унгарија), Универзитетот на Капошвар (Унгарија), Универзитетот во Тирана (Албанија) и Универзитетот на Југоисточна Европа.

Оваа година, во согласност со идејата за јавно-приватно партнерство, УЈИЕ беше во можност да обезбеди финансиски средства за овој настан од мултинационалната компанија Еколог.

По успешниот семинар, сите презентирани трудови ќе бидат објавени во меѓународно издание.

Google+