М-р Хирије Абази од 21-22 мај оваа година учествуваше на меѓународната конференција за економија на тема: „Јадранскиот –Балкански регион од транзиција до интеграција“ организирана од Политехничкиот универзитет “Delle Marche”, Факултетот за економија  „Giorgo Fua” од Анкона, Италија.

Амбасадорот на ЕУ во Македонија , Ерван Фуере, во четврток (20 мај 2010 година) одржа предавање пред студентите на ЈИЕУ на тема - Сиромаштијата и социјалното исклучување, бидејќи оваа година е прогласена за „Европска година на борба против сиромаштијата и социјалното исклучување“.

Во новата книга ,,Управување и развој на високото образование – Прирачник за менаџерите” во едиција на Џероен Хуисман и Атила Пауститс, издадена во рамките на програмата за доживотно учење на ЕУ, вклучено е едно поглавје подготвено од Академик Алајдин Абази, ректор на ЈИЕУ со Џероен Хуисман од Универзитетот во Бат (ВБ) и д-р Денис Фарингтон - ,,Глобализација, интернационализација и регионализација” .

Министерот за труд и социјална политика, Џељаљ Бајрами, во просториите на министерството за труд и социјална политика,оствари средба со студентите на Универзитетот на Југоисточна Европа - Факултетот за јавна администрација и политички науки од студиската програма Социјална работа и социјална поплитка. Студентите одблиску се запознаа со структурата, организациската поставеност како и функционирањето на Министерството за труд и социјална политика во Република Македонија.